BeerJS vol 9 - резултати од анкетата и ретроспектива

Vol. 9 беше одличен почеток на сезоната. Не беше најголемиот по бројност на публиката, ама беше блиску. За тоа сме, пред се, благодарни на вас, публиката. BeerJS постои за вас и за зголемување и подобрување на нашата IT заедница. Активноста и инволвираноста на публиката беше на рекордно ниво, што е мислам дека и најбитната метрика за успех на ваквите настани. Активна публика = добар настан 🍻

BeerJS vol 9. во бројки:

~15% се новојдени и не присуствувале на претходно издание на BeerJS. Намалување на новодојдената публика од минатиот пат, што е очекувано.
Просечната оценката што ја добивме за организацијата на настанот е 4.47 (на скала од 1-5). Имавме технички пропусти како и обично, што ни е и традиција. Се подобруваме генерално, видливо од аудио квалитетот на снимките од настанот. Сеуште активно работиме на подобрување на секој технички детал.
Просечната оценка за презентациите е 4.08 (на скала од 1-5). Повторно, доколку сакате да ни оставите подетален фидбек, пишете ни некоја од социјалните мрежи или на hello@beerjs.mk.

Одговори на директен фидбек за темите, 3:

Тоа што го почнавме на vol. 7, ќе го продолжиме и овојпат. Директни одговори на фидбек (исфилтриран од одговори како одлични, добри, супер итн ❤️):

Мислење за новото лого / сајт / маички / стикери?

„Може доста работи да се подобрат околу дизајнот и сајтот, би било интересно и поголм број на различни стикерчиња :)“ - се согласувам, место за подобрување има секогаш. Но, во тимот немаме дизајнери и супер би ни дошол некој.
„Новите стикери не беа во пакетот на столче поставен?“ - Не, и тоа е директно наш пропуст. Имаше наредено на повеќе места, можеби треба и на столчињата да ставиме. Доколку сакаш, слободно пиши ни и ќе ти доставиме од новите стикери 🍻
„9/10 (бојата малце ми е невообичаена)“ - малку бевме лимитирани од изборот на бои. Ќе имаме повеќе бои следната тура.
„Maicite gazat, ama ne saportajte AI, saportnete zhiv choek so dusha sho kje vi skocka dizajn :D“ - И покрај тоа што инспирацијата за новото лого беше изгенерирана од MidJourney, логото го правев лично јас 😄 MidJourney беше искористен како „moodboard“.
„Поише стикери и маички да има за сит3 што ке постават прашање.“ - Ако направивме пропуст и на некого не му дадовме, се извинуваме најискрено и би ве замолиле да ни пишете - ќе ви доставиме и стикери и маички. Генерално, на настан, воопшто не се срамете да не потсетите дека ви должиме маички. Навистина се трудиме, ама пропусти се неизбежни. Сепак сме мал тим.

Дополнителни коментари околу организацијата

„Ne beshe kako prethodnoto, malku po mirno i lacking free beers :P“ - се согласувам, ама помирно не е и полошо. Публиката беше поактивна со прашања и за време на презентациите, не само на крај. За пивото, буџетот ни е лимитиран. Тоа што го ограничивме изборот е само за буџетот да „трае“ подолго. Сепак, од наша гледна точка, пивото е nice-to-have. Фокусот на настанот е пред се споделувањето на знаење и дружењето.
„baterija vo mikrofonot :D“ - не само тоа, на мисла сме и наши микрофони да почнеме да носиме. Монтажа на аудио снимено со постоечките во „Public Room“ не е баш најзабавна работа на светов 😅

Какви теми би сакал(а) да покриеме на следното издание на BeerJS?

„System design, architecture.“ - Можеби ќе ти се исполни желбата во април 😉
„Тестинг со јаваскрипт“ - Темава зачести со присуство на фидбек. Имавме една претходно, доколку некој е заинтересиран за нова, inbox-от ни е отворен :)
„Node in the browser“ - ако мислиш WebContainers или нешто слично, навистина би било кул да се види.
„Gaming“ - само што имавме една, отворени сме за уште 😄
„Znam deka js e vo imeto, ama bi bilo ubavo ako ima itemi sto ne se fokusirani na js, tuku i opsto na tehnologijata“ - за генерални теми за технологија можеме да имаме и други настани, основани и водени од други луѓе / тимови. Би биле повеќе од среќни доколку можеме да поддржиме настани за технологии на други теми. Не сме голем тим и не можеме да направиме се, но тука сме за секаква поддршка на други идеи и настани.
„React server components“ - ова и јас лично би сакал да го видам 🍻
„Повторно би било интересно да има некое предавање што ќе опфати некоја библиотека за JS како three.js и да се прикажат некои интересни проекти…“ - 🍻
„AWS, React Server Components, Solid.js“ - RSC одговорено под (6), Solid.js и јас би сакал да видам многу (зошто мислам дека е една од најдобрите новости во webdev денес), AWS - доброволци?
„Mobile app dev“ - многу би сакал да видам нешто поврзано со Tauri или Expo и јас 🍻
„design system libraries comparison“ - кул идеја 🍻

Vol. 9 беше одличен почеток на годината. Ентузијазмот и активноста на публиката беа одлични! Би сакал јавно да им се заблагодарам на сите од тимот, завршија одлична работа како и секогаш. BeerJS е пред се, отворен и непрофитен настан за заедницата. Како таков, доколку некој сака да помогне, отворени сме за било кој што сака да помогне и да учествува во реализацијата на настанот. Ако тоа ви звучи интересно, пишете ни на hello@beerjs.mk.

PS: Слики од настанот —> click here