BeerJS vol 6 - резултати од анкетата и ретроспектива

После пауза од повеќе од две години, we’re back with a bang. Имено, BeerJS vol. 6 беше без конкуренција најголемиот до сега. Ја наполнивме големата сала во „Public Room“ и како што забележав, имаше неколкумина што пробаа да влезат и се премислија кога видоа колку е полно. Би сакале да им се извиниме и се надеваме дека следниот пат ќе обезбедиме подобри услови и ќе го испланираме местото подобро.

BeerJS vol 6. во бројки:

• 22.2% се новојдени и не присуствувале на претходно издание на BeerJS. На бројка од 130+ присутни (додека ги броев), тоа и не е така лошо.
• Просечната оценката што ја добивме за организацијата на настанот е 4.83 (на скала од 1-5). Овојпат и ние имаме чувство дека подобра работа завршивме - немаше значајни технички проблеми, успеавме да обезбедиме live stream и се помина како што сакавме. Освен количината на пиво, за која што уште еднаш, би сакале да им честитаме на сите присутни за колку сериозно си ја сфатија работата 🍻. Следниот пат ќе обезбедиме повеќе, што и беше една од критиките што ги добивме на анкетата.
• Просечната оценка за презентациите е 4.5 (на скала од 1-5). Квалитетот на двете беше навистина на ниво и уште еднаш голема благодарност до Бобан и до Лазар што одвоија време за истите.

Помина уште еден BeerJS и повторно немаме ништо за VueJS. Уште еднаш, VueJS како најбарана тема за следниот пат. Знам дека постоите, лично сум разговарал со неколку и не сум комплетно сигурен што треба да направам за да натерам некого да одржи презентација. Пиво очигледно не функционира, кафана можеби? Anyone? [email protected] е отворен во секое време.

Освен тоа: rust, bundling, monorepos и next.js. Како и обично, секој заинтересиран за презентација нека не исконтактира на [email protected]. Секоја идеја е добредојдена и би било одлично да видиме и некој почетник на сцена.

Vol. 6 беше уште подобро организиран од претходните од наша перспектива, што и се потврди со анкетата. Би сакал јавно да им се заблагодарам на Дина, Столе, Благица и Влад за се што направија околу настанот. Голема благодарност до „Јавна Соба“, што уште еднаш се покажаа како одличен избор. Благодарност до Slice што не поддржа во организацијата (и секако пивото).

BeerJS е пред се, отворен и непрофитен настан за заедницата. Како таков, доколку некој сака да помогне, отворени сме за било кој што сака да помогне и да учествува во реализацијата на настанот. Ако тоа ви звучи интересно, пишете ни на [email protected].

PS: Слики од настанот —> click here